Италијански Фиат и Владата на Србија на 29 септември ќе го потпишат договорот за стратешка соработка и заедничко инвестирање во крагуевската фабрика за автомобили Застава.
Како што минатата недела беше соопштено од српското Министерство за економија, потпишувањето на договорот за најголемата инвестиција во српската автоиндустриј, ќе присуствува и претседателот на Фиат, Серџо Мариконе, министерот за надворешни работи на Италија, Франко Фратини, српскиот претседател Борис Тадиќ, претседателот и подпретседателот на Владата на Србија Мирко Цветковиќ и Млаѓан Динкиќ.
На минатонеделниот состанок со владините претставници, потпретседателот на Фиат, Алфредо Алтавиа, ги извести потпретседателот на српската Влада и министер за економија Млаѓан Динкиќ и за плановите на компанијата со Ивеко и други компании од Фиат групацијата за инвестирање на неколку стотини милиони евра во Србија.
Италијанската комоанија Фиат и Владата на Србија на 30 април 2008 година потпишаа Меморандум за разбирање, стратешка соработка и заедничко инвестирање во крагуевската фабрика за автомобили Застава, за што италијанските партнери би инвестирале повеќе од 700 милиони евра. Со овој Меморандуме предвидено основање на заедничка компанија во која Фиат би имал 70% сопственост, а Србија би поседувала 30%, како и почеток на производство на два нови модели на Фиат во Крагуевац и зголемување на производството од 12.000 на 300.000 возила годишно. Владата на Србија би требало да инвестира околу 300 милиони евра во инфраструктурата во Крагуевац.
(Тотал)